Saweuë Syèëdara - Saleuëm Group

Saweuë Syèëdara - Saleuëm Group

Meukruë seumangat hai aneuk aneuk Nanggroë
Gata ka tawoë gata ka tawoë saweuë syèëdara
Beutuah tubôh lam jeuëp-jeuëp jeuëp-jeuëp uroë
Beu-ék meusaho beu-ék meusaho beusaboh banja

Kuala tambô 'oh musém barat
Jitôb lé bakat payah tabuka
Nanggroë lôn hancô disampôh bakat
Timu ngön barat ka saphan-sapha

Beudöh dum waréh aduën ngön adoë
Tapapah Nanggroë bèk lé lam tika
Beudöh dum waréh aduën ngön adoë
Tapapah Nanggroë bèk lé lam tika

Reusam éndatu jinoë tapeuwoë
Hukôm lam Nanggroë beugöt tajaga
Reusam éndatu jinoë tapeuwoë
Hukôm lam Nanggroë beugöt tajaga

Kuala tambô 'oh musém barat
Jitôb lé bakat payah tabuka
Nanggroë lôn hancô disampôh bakat
Timu ngön barat ka saphan-sapha

ôôô.... Allah ya Allah, Allahu Rabbi
Achèh nyoë Neubri udép sijahtra
Allah ya Allah Illahi Rabbi
Achèh nyoë Neubri udép sijahtra

Beusaboh haté kamoë lam Nanggroë
Tareugam jaroë peusaboh haba
Beusaboh haté kamoë lam Nanggroë
Tareugam jaroë peusaboh haba

Meukruë seumangat hai aneuk aneuk Nanggroë
Gata ka tawoë gata ka tawoë saweuë syèëdara
Beutuah tubôh lam jeuëp-jeuëp jeuëp-jeuëp uroë
Beu-ék meusaho beu-ék meusaho beusaboh banja

ôôô.... meukruë seumangat hai aneuk aneuk Nanggroë
Saweuë syèëdara

-Cie D'aneukmië-